Helduentzako eta gazteentzako ingeles-ikastaroak, lehen hezkuntzako 5. mailatik aurrera

HELDUENTZAKO ETA GAZTEENTZAKO INGELESA, LEHEN HEZKUNTZAKO 5. MAILATIK AURRERA (maila hori barne)

IRAUPENA

Helduentzako eta gazteentzako gure ingeles-ikastaroek asteko 3 eskola-ordukoak dira (lehen hezkuntzako 5. mailatik aurrera).

Haien iraupena eskolako ohiko ikasturteekin bat dator: irailetik ekainera.

ORDUTEGIAK

Maila gehienek 6 ordutegi desberdin dituzte, eta aukera hauetako edozein hauta daiteke:

  • 3 egun ordu 1ez.
  • 2 egun ordu 1 eta erdiz.

MAILAK

Helduentzako eta gazteentzako ingeles-ikastaro batean izena ematen denean, maila-proba bat egiten dugu. Emaitzen arabera eta ikasle bakoitzaren eskuragarritasuna eta interesak aintzat hartuta, dagokion maila esleitzen zaio.

IKASKUNTZA

Gure laborategiak audio digitaleko instalazio modernoak ditu eta ingeles-eskolen osagarri baliotsua da. Hor, ikasleek entzun, errepikatu, grabatu eta erkatu ahal dute, beti ere irakasle batek aholkatuta.

Halaber, gure liburutegiko liburuak mailegatzeko zerbitzua erabil dezakete; liburuok mailaka egokituta daude, ikaskuntza-prozesua ahalik eta osoena izan dadin.

EBALUAZIOA

Ikasleak hiru hilabetean behin ebaluatzen dira eta lortu duten maila unean-unean jakinarazten zaie.

Gainera, helduentzako eta gazteentzako ingeles-ikastaroetako ikasleei ingeles-azterketa ofizialetara aurkezteko aukera (izena emateko betekizunak, bakoitzerako maila egokia, etab.) ezagutarazten zaie eta ingeles-ikaskuntzarekin zerikusia duten mota guztietako jarduera osagarriei buruzko aholkuak (udako ikastaroak eta atzerriko egonaldiak, ingelesarekin zerikusia duten lanak, etab.) ematen zaizkie.