Haurrentzako ingeles-ikastaroak, lehen hezkuntzako 4. mailara arte

Zure semeak/alabak bere ingeles maila indartu behar duela uste duzu? Hizkuntza hori da gehien hitz egiten denetako bat, eta hala izaten jarraituko du. Horregatik, txikitatik prestakuntza sendoa izatea oinarrizkoa da. Haurrak emaitzarik onenak lortzeko prestatuko dituen prestakuntza, euren jakin-mina eta irudimena pizteaz gain. Hori da haurrentzako gure ingeles ikastaroaren konpromisoa. Aurkitu ezazu!

Haurrentzako gure ingeles-ikastaroa 7 eta 11 urte bitarteko pertsonei zuzenduta dago. Astean 2 eskola-ordu egiten dira, eta irailetik ekainera doa. Adinaren eta mailaren arabera osatzen dira taldeak.

Ikastaro honek ingelesa mailaz maila ikasteko aukera ematen du, txikienen ezagutza orokorrak hobetuz eta emaitza onenak lortuz. Hori bermatzeko, honako hauek ditugu:

  • 50 urteko eskarmentua
  • Irakasle kualifikatuak/tituludunak
  • Instalazio eta zerbitzu ugari
  • Hezkuntza-eskakizunetara egokitutako metodoak

Metodologia

Haurrentzako gure ingeles-ikastaroak metodo berrienak erabiltzen ditu gure ikasleek beren ikastetxeetan baino ingeles-maila handiagoa lortu ahal izan dezaten.

Horretarako, eskola-orduak gure laborategira joatearekin osatzen dira. Bertan audio-instalazioak daude, ikasleek entzun, errepikatu, euren ahotsa grabatu eta alderatu dezaten, eta une oro izaten dute irakasle baten laguntza.

Ingelesarekiko euren jakin-mina pizteaz gain, hizkuntzaren oinarrizko trebetasunak eta trebetasun akademikoak bereganatu ditzatela da ikastaro honen helburua, etapa honetako 4 mailetan aurrera egin ahal izateko.

Ebaluazioa

Ikasturte hasieran jarraipena egiten dugu, esleitutako maila zuzendu beharko balitz, egiteko. Halaber, gure ikasleak hiru hilean behin ebaluatzen ditugu, eta lortutako mailaren berri ematen diegu haien familiei.

Gainera, ikasleen familiek ikasketa-espedienteari buruzko informazioa eskura dezakete gure ikastetxean egiten duten egonaldi osoan.

Ordutegia

Txikienek (Lehen Hezkuntzako 2. maila) ordutegi bakarra dute eskuragarri, 18:00etatik 19:00etara, astelehen eta asteazkenetan edo astearte eta ostegunetan.

Gainerakoek 6 ordutegi desberdin dituzte txandakako egunetan; astelehenetan eta asteazkenetan edo astearte eta ostegunetan izan daiteke, ordutegi hauetan:

  • 18:00etatik 19:00etara edo
  • 19:00etatik 20:00etara edo
  • 20:00etatik 21:00etara*

* Talde bakoitzean ikasle kopuru nahikoa egotearen mende dago ordutegien aukera zabalagoa.

Talde bakoitzean ikasle kopuru nahikoa egotearen mende dago ordutegien erabilgarritasuna. Maila bakoitzeko ikasle nahiko izanez gero, ordutegi gehiago ireki ahal izango dira (adibidez, 16:30etik 18:00etara).

Aurreinskripzioa maiatzean eta ekainean egin behar da.

Matrikulatu zaitez

Zure semeak/alabak bere ingeles maila indartu dezala nahi duzu? Izan ezazu konfiantza gugan. 50 urte daramatzagu milaka pertsonari hizkuntzak irakasten.

Mailak

Haurrentzako ingeleseko gure ikastaroak lau maila ditu: Kinder (Lehen Hezkuntzako 2. mailako ikasleentzat) eta hastapeneko hiru maila gainerakoentzat: A, B eta C hastapenak. Lehen Hezkuntzako 5. mailako ikasleak zuzenean sartuko dira hurrengo mailara, 1. maila berezia deitua.

Gainera

Hizkuntza-laborategia nahi beste erabiltzeko aukera

Liburuen mailegu-zerbitzua nahi beste erabiltzeko aukera

Ikasteko gunea eta itxarongela erabiltzeko aukera

Gurekin harremanetan jartzeko

Zalantzarik baduzu, astelehenetik ostiralera 17:30etik 21:00etara artatuko zaitugu, bai gure bulegoetan (Egibide-Jesús Obrero eraikina, Estenaga Apezpikuaren kalea, 1), bai 945 25 76 66 telefonoan.